പഴകിയത്

           

ഉമ്മറത്തിരുന്നു പത്രം വായിക്കവെ,

മുന്നിലൊരു പെറുക്കി വന്നു നിന്നു.

പഴയ സാധനങ്ങളുണ്ടോയെന്നവന്‍ ,

ഒന്നുമില്ലിവിടെന്നു ഞാന്‍ ;

സാറെ പഴകിയതെന്തുമെടുക്കും, വിലയും തരും

ശല്യം, ഒന്ന് പോയിത്തരുമോ മുന്നില്‍ നിന്ന്? 

കുഞ്ഞുങ്ങളുടെ വിഷപ്പടക്കാനാ സാറെ,

പറഞ്ഞു വിടല്ലെ വെറും കൈയ്യോടെ.

തെല്ലൊന്നമാന്തിച്ചു  ഞാന്‍ ചോദിച്ച-

കത്തു പഴകിയൊരമ്മയിരിപ്പുണ്ടെടുക്കുമോ?

കാര്‍ക്കിച്ചൊരു തുപ്പ്‌, വീട്ടുമുറ്റത്ത്‌, 

കൊണ്ടതീയുള്ളവന്റെ നെഞ്ചത്ത്‌;

എന്‍  കുടിലിലുമുണ്ടൊരമ്മ സാറെ,

പഴകിയതാകിലും, എന്നമ്മ പൊന്നമ്മ....

ആദില്‍  എ റഹ്മാന്‍